ދުބާއީ އިންޓަނޭޝަނަލް ހޯލީ ޤުރްއާން ކޮމްޕެޓިޝަން 2022 ގައި ދިވެހިރާއްޖޭގެ ފަރާތުން ބައިވެރިވާ އަލްޙާފިޡް އަޙްމަދު ނަބީޙް މިއަދު ހެނދުނު ދުބާއީއަށް ފުރައިފިއެވެ.

1443 ވަނަ އަހަރުގެ ރަމަޟާންމަހުގެ 1 ން 14 އަށް ދުބާއީގައި ބޭއްވުމަށް ހަމަޖެހިފައިވާ ދުބާއީ އިންޓަނޭޝަނަލް ހޯލީ ޤުރްއާން ކޮމްޕެޓިޝަން 2022 ގައި ދިވެހިރާއްޖޭގެ ފަރާތުން ބައިވެރިވާނެ ފަރާތެއް ހޯދުމަށް ކީރިތި ޤުރްއާނާބެހޭ ޤައުމީ މަރުކަޒުން ހުޅުވާލުމުން މުބާރާތުގައި ބައިވެރިވުމަށްއެދިފައިވާ 3 ބޭފުޅުންގެ ތެރެއިން މިމުބާރާތުގައި ބައިވެރިވުމަށް ހޮވިފައިވާ އަލްޙާފިޡް އަޙްމަދު ނަބީޙް މިއަދު ހެނދުނު ދުބާއީއަށް ފުރައިފިއެވެ. އަލްޙާފިޡް އަޙްމަދު ނަބީޙް އަކީ ޚާއްޞައެހީއަށް ބޭނުންވާ ފަރާތެކެވެ. އެހެންކަމުން އޭނާއާއެކު އެހީތެރިއެއްގެ ގޮތުގައި އޭނާގެ މަންމައާއި ދައްތަ މިދަތުރުގައި ބައިވެރިވެއެވެ. ނަބީޙުއަކީ ކީރިތި ޤުރުއާން ކިޔެވުމުގެ އެކިއެކި މުބާރާތްތަކުގައި ޤައުމީ ފެންވަރުގެ ގިނަ ކާމިޔާބީތަކެއް ޙާޞިލުކުރައްވާފައިވާ ފަރާތެކެވެ

.